காதல் பிதற்றல்கள்

முழு நிலவான உன்னைப் பற்றி
ஒரு கவிதை எழுத முயற்சிக்கிறேன்
என் மேஜை எங்கும் வார்த்தைகள்
நட்சத்திரங்களாய் கொட்டிக் கிடக்கின்றன!

நீ எனக்காக வடிக்கும்
கண்ணீரில் எல்லாம்
எனக்கான உன்
காதல் வழிகிறது

நீ கண்ணை மூடிக் கொண்டாய்
என் உலகம இருண்டு விட்டது!

எந்த ஜென்மத்தில் நான்
என்ன புண்ணியம் செய்தேனோ
நீ என் தெருவில் வசிக்கிறாய்

நீ வெட்கப்படுவதற்கும்
மழை ஆரம்பிப்பதற்கும்
சரியாய் இருக்கிறது!

உனக்கான என் காதல்
உன்னை சாதாரணப்
பெண்ணிலிருந்து
தேவதை ஆக்குகிறது!

நீ தூரத்தில் எங்கோ பேசுவது கேட்கிறது...
தேனீக்கள் என் காதுகளை
வட்டமடிக்கின்றன!

நீ என்னை ஓரக் கண்ணால் பார்
அடிக்கடி என்னை கடந்து செல்
உன் தோழிகளுடன் கூடிச் சிரி
என் கனவுகளில் வந்து போய்க் கொண்டிரு
நான் காதலில் திளைக்கிறேன்
வேறெதுவும் வேண்டாம் எனக்கு!
இக்கணம் இப்படியே இருக்கட்டும்

மறுமொழிப்பெட்டி:		?
தமிழிலும் மறுமொழியிடலாம் Loading...

தோல்வியிலும் நீ எத்தனை அழகு

இரவில் தூங்கப் போகும்போது
தோடுகளையும், வளையல்களையும்
கழற்றி வைப்பதை போல்
உன் சிறகுகளை
எங்கே கழற்றி வைப்பாய்?

புல்லின் மீதிருக்கும் பனித்துளியை
நினைக்காமல் இருக்க முடிவதில்லை
உன் ஈரம் படிந்த இதழ்களை
பார்க்கும்போதெல்லாம்! 

கொஞ்ச நேரம்
பேசாமலிரு!
தொடர்ச்சியான சங்கீதத்தை
என் காதுகள் ஏற்பதில்லை!

சத்தமே எழுப்பாமல்
நீ அருகில் செல்லும்போதெல்லாம்
பட்டுப்பூச்சி பறந்து விடுகிறது

மறுபடியும் தவற விட்டதை
நினைத்து நீ முகம் சுளிக்கிறாய்
தோல்வியிலும் நீ எத்தனை அழகு

தொடர்ந்து முயற்சி செய் என்கிறேன்!
பட்டாம்பூச்சிகள் பறந்து விடும்
என்ற நம்பிக்கையில்

மறுமொழிப்பெட்டி:		?
தமிழிலும் மறுமொழியிடலாம் Loading...

காத்துக்கொண்டு இருக்கிறேன்

வலிகள்

காதலை  இதயத்தில்
அடக்கிகொண்டு.......!
கண்ணீரை  உதட்டில்
மறைத்துக்கொண்டு......!
காத்துக்கொண்டு இருக்கிறேன்
உன் இருவிழி பார்வைக்காக.........!

நீ பேசாமல் சென்றிருந்தாலும்
பரவாயில்லை...!
ஆனால் நீ பேசிவிட்டு செல்கிறாய்
"பேசாமல் இரு" என்று....!

ஒவ்வொருவருக்கும்
புனைப்பெயர் வைத்த நீ...
காதலுக்கு என்ன மௌனம்
என்றா பெயர் வைத்து இருக்கிறாய்....!

என் கன்னத்தில் கண்ணீரின் ஈரப்பசையில்
இன்னும் ஒட்டிக்கொண்டு உள்ளது...
உன் மீது எனக்கு உள்ள காதல்....!

உன் முகம்
அசையும் திசையில்தான்
என் தினசரி உதயம்....!

                                                 
                                                    உனக்கு
                                                    வியர்கும்போதேல்லாம்
                                                    என் கைக்குட்டை
                                                    உனக்கு தேவைப்பட்டது......

                                                    உனக்கு
                                                    கோபம் வரும்போதெல்லாம்
                                                    என் தொலைபேசி எண்
                                                    உனக்கு தேவைப்பட்டது......
              
                                                    உனக்கு
                                                    சந்தோஷம் வரும்போதெல்லாம்
                                                    என் கண்கள்
                                                     உனக்கு தேவைப்பட்டது......

                                                  
                                                     இப்போது
                                                     நான் இருண்டு கிடக்கிறேன்
                                                     நீ இல்லாமல்
                                                     என் கவிதைகளுடன்.......!       

மறுமொழிப்பெட்டி:		?
தமிழிலும் மறுமொழியிடலாம் Loading...

நானும் ஒரு காதலனாய்...........!

                                                        
                                                  வெள்ளை காகிதங்களில்  உன்
                                                  கிறுக்கல்களை அச்சிடுவாய்.....!

                                                  உன் பிம்பம் பார்த்தே சலித்துபோகும்
                                                  உன் வீட்டு  கண்ணாடி....!

                                                  செல்போன் உன்னுடைய நண்பர்களுள்
                                                  ஒன்றாகும்....!

                                                      

                                                      SMS ல் ஊட்டசத்து பெறுவாய்.....!

                                                     தனிமையை துணை ஆக்குவாய்....!

                                                     இரவு நேர தொலைபேசி
                                                     பேச்சுகள் நீளும்.....!
                                                 
                                                     தலையணைக்கு பக்கத்திலேயே
                                                     உன் செல்போன் உறங்கும்....!
                                                     
                                               
                                                    விடுப்பு கடிதம்கூட எழுத தெரியாத நீ
                                                    காதல் கடிதம் எழுத கற்றுக்கொள்வாய்...! 

                                                    கனவுகளில் கவிதை வளர்ப்பாய்....!
                                                
                                                   வருடங்கள் நிமிடங்களில் கரையும்...!
                                                   உலகமே உனதாகும்...!
                                                     

                                                   
                                                   செல்போன் தெய்வமாகும்....!
                                                   SMS கள் அர்ச்சனையாகும்....!
                                                   அழைப்பு மணி பிரசாதமாகும்....!
                                                 
                                                  இது அத்தனைக்கும் அடிமையன்
                                                   நானும் ஒரு காதலனாய்...........!

மறுமொழிப்பெட்டி:		?
தமிழிலும் மறுமொழியிடலாம் Loading...

உன் பிரிவை நினைத்து

                                           அந்த துணிக்கடைக்குள்

                                            நீ நுழைந்ததும் அலங்கார பொம்மை 

                                            ஓடி ஒளிந்து கொண்டது 

                                            உன் அழகின் அளவு தாங்கமுடியாமல் .....!

 

                                            தேவதைகளுக்கான உடை 

                                            இன்னும் இங்கே இறக்குமதி 

                                            செய்யப்படவில்லையென 

                                            ஊழியர்கள் எல்லோரும் 

                                            உன்னையே உற்றுப்பார்க்கிறார்கள் ...!

 

 

 

 

                                           ஒவ்வொரு சுடிதாரையும் 

                                           நீ உன் உடம்பில் ஒட்ட வைத்து  

                                           ஒரு ஒப்பனையோடு 

                                           கண்ணாடியில் அழகு பார்க்கிறாய்...!

 

                                           ஆனால் ...

                                           ஒவ்வொரு சுடிதாரும் 

                                           உன்னை அணிந்து பார்த்து 

                                           கண்ணாடியை வெறுப்பேற்றுகின்றன ....!

 

                                           இதுவரை உன்னிடம் இல்லாத 

                                           கலரென்று எதுவுமில்லை...

                                           நீ வெள்ளை சுடிதாரை அணிந்தாலும் 

                                           உன் உடல் தொட்ட வெட்கத்தால் 

                                           அது வண்ணமாகிவிடும் ....!

 

 

 

 

                                           விலைப்பட்டியலை விலக்கிப்பார்க்கிறாய்..

                                           நான் மனதுக்குள் நினைத்துக்கொள்கிறேன் ...

                                           பட்டின் விரல் பட்டால் 

                                           பருத்தியின் விலையென்ன கூடியாவிடும்.?""

 

                                           ஒருவழியாய் 

                                           தேடிமுடித்து ....

                                           தேர்ந்தெடுத்து ....

                                           பணம்கட்டி ....

                                           விடைபெற்று...

                                           வெளியே வந்து திரும்ப்பிப் பார்த்தால்.....

 

                                           உன் பிரிவை நினைத்து 

                                           அந்த துணிக்கடை 

                                           உட்கார்ந்து அழுதுகொண்டிருக்கிறது .....

 

                                           என் எல்லா மாடிகளும் 

                                           சுடிதார் பிரிவுகளாய் 

                                           இருந்திருக்க கூடாதா என்று...!  

 

மறுமொழிப்பெட்டி:		?
தமிழிலும் மறுமொழியிடலாம் Loading...

"டீ'' சொல்லும் உண்மைகள்!

 

 

 

டீ பிரியர்கள் உலகம் முழுமையும் இருக்கிறார்கள். `டீ சாப்பிடுவது நல்லதல்ல,
பல்லில் கறைபிடிக்கும், பசியை குறைக்கும் என்றெல்லாம் சொல்வதுண்டு' இவற்றில் எது உண்மை?...

டீயில் உள்ள காபின் உடல் நலத்துக்கு நல்லதல்ல.

உண்மை: ஒரு கோப்பை காபியில் இருக்கும் காபினைவிட மூன்றில் ஒரு பங்ëகுக்கும் குறைவாகவே ஒரு கோப்பை டீயில் காபின் உள்ளது. சரியான அளவில் காபின் எடுத்துக் கொண்டால் அது உடல் நலத்துக்கு மிகவும் நல்லது. மன அழுத்தத்தை குறைக்கும், ஞாபக சக்தியை அதிகரிக்கும்.

டீ குடிப்பதால் பல்லில் கறை ஏற்படும்.

உண்மை: டீயில் நிறைய புளோரைடு உள்ளது. புளோரைடு பற்களை பாதுகாக்கும் தன்மை கொண்டது. மண்ணில் இருக்கும் ப்ளோரைடை `டீ'ச்செடி உறிஞ்சி எடுத்து தனது இலைகளில் சேமித்து வைக்கிறது. எனவே பற்களுக்கான சத்துக்களை வழங்கும் ஒரு இயற்கை பானமாக டீ இருக்கிறது. பற்களில் `காரை' படிவதையும் டீ தடுக்கிறது. பல்லை பாதுகாக்க ப்ளோரைடு உள்ள பற்பசையை தேடிப் போக வேண்டிய அவசியம் இல்லை. டீ குடித்தாலே போதும்.

டீ குடிப்பது வயிற்றுவலிக்கு காரணமாகும்.

உண்மை: வயிற்றுவலி (அசிடிட்டி) ஏற்பட டீ காரணமாக இருப்பது இல்லை. உண்மையில் கொதிக்கும் தண்ணீரில் கருப்பு டீ போடும்போது அது அல்சருக்கு எதிரான நடவடிக்கையில் ஈடுபடும் பொருளாக மாறுவதாக ஆராய்ச்சிகள் கூறுகின்றன. எனவே ஆரோக்கியமான தேநீரைப் பருகுங்ëகள்.

டீ எலும்புகளுக்கு கெடுதல் விளைவிக்கும்.

உண்மை: டீயில் உள்ள காபின், புளோரைடு போன்ற பொருட்கள் எலும்பை பலவீனப்படுத்துவதாக பல ஆண்டுகளாக நம்பப்பட்டு வந்தது. ஆனால் அண்மைக்கால ஆராய்ச்சிகளில் டீ குடிப்பது எலும்புக்கு நல்லது என நிரூபிக்கப்பட்டுள்ளது. வயதான பெண்கள் மத்தியில் நடத்தப்பட்ட ஒரு சில ஆய்வுகள் தினந்தோறும் 3 கப் அல்லது அதற்கு அதிகமாக டீ குடிக்கும் பெண்களின் எலும்புகள் டீ குடிக்காத பெண்களின் எலும்புகளை காட்டிலும் நல்ல உறுதியுடன் இருப்பது கண்டுபிடிக்கப்பட் டுள்ளது.

இந்தியாவில் அதிகமானவர்கள் டீயில் பால் கலந்தே குடிக்கிறார்கள். இதனால் உடலுக்கு தேவைப்படும் கால்சியம் கிடைக்கும். தினந்தோறும் 4 கப் பால் கலந்த டீ குடித்தால் நமது அன்றாட கால்சியம் தேவையில் 21 சதவீதம் கிடைத்துவிடுவதாக ஆய்வுகள் தெரிவிக்கின்றன.

டீ குடிப்பதனால் இரும்பு சத்து உடலில் சேர்வது குறைகிறது.

உண்மை: இறைச்சி அல்லாத உணவுகளிலிருந்து கிடைக்கும் இரும்பு சத்து உடலில் சேருவதை டீயில் இருக்கும் `ப்ளேவோனாய்ட்ஸ்' தடுப்பதாக நம்பப்படுகிறது, இருப்பினும் ஆரோக்கியமானவர்கள் உடலில் இரும்பு சத்து சேருவதை டீ தடுப்பதில்லை, ஆரோக்கியமான உணவை எடுத்துக் கொள்பவர்களுக்கு டீ எந்த கெடுதலையும் ஏற்படுத்தாது. டீ பிரியர்களாக இருந்து இரும்பு சத்து குறைவாக இருப்பவர்களாக இருந்தால் சாப்பாட்டுக்கு இடையே டீயை குடியுங்ëகள், சாப்பாட்டுக்குப் பின்பு டீயை குடிக்க வேண்டாம்.

உடலில் தண்ணீர் பற்றாக்குறை எனப்படும் `டிஹைட்ரேஷனை' தேநீர் ஏற்படுத்தும்,

உண்மை: மூன்று கப் தண்ணீர் குடிக்கும்போது அது உடலில் எந்த அளவுக்கு தண்ணீரின் அளவை பூர்த்தி செய்கிறதோ அதே அளவுதான் மூன்று கப் தேநீர் குடித்தாலும் பூர்த்தியாகிறது. தேநீர் உடலின் நோய் எதிர்ப்பு சக்தி அளவை அதிகரிக்கிறது. எனவே உடல் நோய்க் கிருமிகளுக்கு எதிராக போராட தேநீர் உதவுகிறது.

டீ குடித்தால் உடல் எடை கூடும்

உண்மை: டீ குடிப்பதனால் உடல் எடை கூடுவதில்லை. உண்மையில் டீ குடித்தால் உடல் எடை சீராக இருக்கும். பால் மற்றும் சர்க்கரை இல்லாமல் குடிக்கும் டீயில் கலோரி என்பதே இல்லை.

மேற்கண்டவை, புதிய ஆய்வுத் தகவல்கள். இதுபற்றி இந்துஸ்தான யூனிலிவர் ரிசர்ச் சென்டரின் இயக்குனர் கவுதம் பானர்ஜி கூறுகையில், "மிகச்சிறந்த இயற்கை உணவுப் பொருட்களில் டீயும் ஒன்று. ஆரோக்கியமான பானம் டீ. இதில் இருக்கும் ப்ளேவோனாய்ட்ஸ், கேட்சின்ஸ் மற்றும் தியானைன் போன்ற பல விதமான ஆரோக்கிய பொருட்கள் இதயத்துக்கும், செரிமான உறுப்புகளுக்கும், சருமத்துக் கும் நல்ல சக்தியை அளிக்கின்றன. உடல் எடை குறைத்தல், மூளை சுறுசுறுப்பு மற்றும் வாய் ஆரோக்கியத்துக்கும் டீ ஏற்றது. டீ, உடலில் தண்ணீர் பற்றாக்குறையை போக்கும் பானமாகவும் திகழ்கிறது. தினந்தோறும் 3 முதல் 4 கப் டீ பருகுவது ஆரோக்கியமானது'' என்கிறார்.

மறுமொழிப்பெட்டி:		?
தமிழிலும் மறுமொழியிடலாம் Loading...