என் நட்பூவே நீ வாழி..

 

 

 

நானுமற்று நீயுமற்று
வலியிழந்து
வலுவுற்று
நாமான காலம்
என்றும் நிகழ்காலம்..

கைகோர்ர்த்து விளையாடி
கைதூக்கி நிலைநிறுத்தி
கிளி்யாந்தட்டாய்
ஒருவரிடத்து ஒருவரை இழுத்து..

பள்ளி சென்றோமோ
பாடம் படித்தோமோ
நன்கு துயின்றோமோ
நாளெல்லாம் நட்பால் பூத்தோம்..

காதல், காமம் அற்று
பால் வேற்றுமையற்று
உன் நோவை நான் வாங்கி
என் உயிரை நீ சுமந்து..

கவலையில் வீழும் போதெல்லாம்
நான் நடப்பதில்லை -
என்னைச் சுமந்து
நீதான் கடந்து செல்கிறாய்..

நெல்லிக்கனியோ அவலோ
நம் நட்பூ உரைக்கப்
போதுமானதாயில்லை
வடக்கிருந்து உயிர்
துறக்கவும் சித்தமாய்..

வாழ்வான வாழ்வு இது
வளப்படுத்த வந்த வசந்தமே
வாழுவோம் நமக்காய்
நமக்கான அனைவருக்காய்..

ஏழு ஜென்மம் அல்ல
எழுபது ஜென்மம் எடுத்தாலும்
எதிர்சேவை செய்ய வந்த
என்னுயிரே
என் நட்பூவே நீ வாழி..

மறுமொழிப்பெட்டி:		?
தமிழிலும் மறுமொழியிடலாம் Loading...