மண்ணாகவே இருந்திருக்கலாம்!

நம் சந்திப்புகள்
இரவில் வேண்டாமென

நிந்திக்கின்றன…
நம் நிழல்கள்!

*

கதை சொல்கிறேனென சொல்லி
நீ சொல்வதெல்லாம் கதை.
செய்வதெல்லாமோ கவிதை!

*

முகம் துடைத்த
கைக்குட்டையைத் துவைக்காதே.
அழுக்கு படிந்ததைத் துவைக்கலாம்…
அழகு படிந்ததை?

*
பிடித்துவிட

எத்தனிக்கையில்
மறைந்து விடுகிறது

வானவில்.
கூடவே என் வானமும்.
*

என் காதல் கேள்விகளுக்கு

நீயே விடை என்றிருந்தேன்.
நீயோ கேள்விகள் எதுவுமின்றி

என்னிடமிருந்து,
'விடைபெற்றாய்'!

*

களிமண்ணை சிற்பம் ஆக்கினாய்.
பிறகு ஏனோ உடைத்துப் பார்த்தாய்.
மண்ணாகவே இருந்திருக்கலாம்!

மறுமொழிப்பெட்டி:		?
தமிழிலும் மறுமொழியிடலாம் Loading...