முத்தம்
நம் ஊடல் முறிவுக்கான
சமாதான ஒப்பந்தம்!
நம் ஊடல் முறிவுக்கான
சமாதான ஒப்பந்தம்!
*
உன்னை என்னிடம் புதிதாயும்
என்னை உன்னிடம் புதிதாயும்
தரும் வல்லமை
ஊடலுக்கு பின்னான
அக்கணத்திற்கே வாய்த்திருக்கிறது!
*
ஊடல் முறிவு தருணத்தில்
உன் கண் தங்கும்
ஒற்றை துளி கண்ணீரில்
நதி மூலத்துளியின் தூமை!
*
நம் ஊடலுக்கான
சமாதானத்தோடு வருகிறாய்;
மெல்ல விடிய தொடங்குகிறது
என் மேல் கவிந்த இரவு!
*
நீ தந்துபோன
சில முத்தங்களும்
சில புன்னகைகளும்
போதுமாயிருக்கிறது;
ஊடல் முறித்து
திரும்பும் மட்டும்
என்னை உயிரோடு வைத்திருக்க!
| மறுமொழிப்பெட்டி: | ||
Loading... | ||
No comments:
Post a Comment