உன் மீதானக் காதல்!

உன்னை எனக்குக் காட்டியதால்

கோடிமுறை நன்றி

சொல்லியிருப்பேன் என் கண்களுக்கு…
நீ பிரிந்ததும் என்னைக் காண

மனமில்லாமல் அவை
கண்ணீரால் தம் முகம் மறைக்கின்றன!

 

காதலில்
கண் பேசியதெல்லாம்
மனதுக்குப் புரிந்தது.
பிரிவில்
மனம் சொல்வதெதுவும்
அழுகிறக் கண்ணுக்குப் புரிவதில்லை.

 

உன் தரிசனத்துக்காக
என்னை உன்பின்னே அலையவிட்டவை,

இன்று உன்னைப் பார்க்க முடியாமல்
ஒளிந்து கொள்ள வைக்கின்றன!
புரிந்துகொள்ளவே முடியவில்லை

என் கண்களையும்,
பிரிந்து போன உன்னையும்!

 

என்னை விட்டுப் போவதென

முடிவெடுத்தபின்
என் காதலைப் போல
என் கண்களையும்

கொன்று விட்டுப் போ!
அல்லது
வற்றாத கண்ணீரைத் தந்து விட்டுப் போ!

 

உன் பிரிவால்
அழுதழுது என் கண்ணீர்
வற்றிப் போனாலும்,
சுரந்துகொண்டே இருக்கிறது…
உன் மீதானக் காதல்!

 

நீ காதலை வைத்தது
உள்ளத்திலோ உதட்டிலோ

தெரியவில்லை.
ஆனால் விலகும்போது
கடலை வைத்துவிட்டுப் போகிறாய்
என் கண்ணில்!

 

உன்னிடம்
என் காதலைக் காட்டிக் கொடுத்ததும்,

உன் பிரிவை ஊருக்கெல்லாம்
அழுதேக் காட்டிக் கொடுக்கப் போவதும்,
என் கண்கள்தாம்

மறுமொழிப்பெட்டி:		?
தமிழிலும் மறுமொழியிடலாம் Loading...