உலக அழகியின்
புகைப்படத்தை
உன் வீட்டில்
கண்ணாடி என்பீர்களா?
*
உனதழகை
நீ பார்க்கும்பொழுது
பிரதிபலிக்கிற கண்ணாடி
நீ பார்க்காதபொழுது
உள்வாங்கிக் கொள்கிறது தெரியுமா?
*
உன் வீட்டுக் கண்ணாடிக்கு
தினமும் உனதழகை ரசிக்கும்
அதிர்ஷ்டம் தந்த
மச்சங்களாய் மின்னுகின்றன
நீ ஒட்டி வைத்த ஸ்டிக்கர் பொட்டுகள்.
*
நீ வரைந்த
கண்ணாடி ஓவியங்களின்
அழகை விசாரிக்கும்பொழுது
உன் 'கண்'ணாடியதை
எப்படி ஓவியமாக்க?
*
உன்னை அழகாய்க் காட்டியதற்காக
நீ முத்தமிட்ட
கணத்திலிருந்து
தன்னை அழகாய்க் காட்டிக்கொள்ள
தவிக்கிறது
உன் வீட்டுக் கண்ணாடி.
| மறுமொழிப்பெட்டி: | ||
Loading... | ||
No comments:
Post a Comment