என் எழுத்தில்
அடங்க மறுக்கும்
திமிரான கவிதை நீ!
*
என் காதலுக்கு
சிறப்பென்று சொல்லிக்கொள்ள
எதுவுமேயில்லை.
அது வெகு இயல்பானது,
என் சுவாசத்தைப் போல!
*
நீ பேசிய மொழியனைத்தும்
காதலின் தேசியமொழிதான்.
*
நீண்ட பிரிவுக்குத் தயாராகும்போது
உன் விழி திரட்டிய நீர்ச்சொட்டில்
அடர்ந்து கிடந்தது காதல்!
*
நாம் நடந்த பாதையில்
நான் மட்டும் நடக்கையில்
பிஞ்சுக்காற்று தோள்தொட
உன் விரலென்று திரும்பி
ஏமாந்திருக்கிறேன்!
*
| மறுமொழிப்பெட்டி: | ||
Loading... | ||
2 comments:
maga arumai nanbare ...
mahes...
Gud Imagination.. Gud lines. Congrats..
Post a Comment